Como imaxinas a túa aldea ou vila dentro de 20 anos? Aquí podedes traballar propostas para frear o despoboamento, crear novos servizos para a xente nova ou deseñar espazos atractivos que fagan que a mocidade queira quedar ou volver.

Buscar ideas que aproveiten os recursos do mar, dos ríos e dos montes sen esgotalos: produtos sostibles, novas formas de producir enerxía limpa, iniciativas que coiden a biodiversidade e á vez xeren oportunidades de emprego.

Como usar a intelixencia artificial, a robótica, a fabricación dixital ou as apps para mellorar a vida diaria da comunidade? Pode ser en educación, saúde, mobilidade ou comunicación en zonas rurais illadas.

Pensar en proxectos que dean máis visibilidade, apoio e oportunidades ás mulleres no rural: desde redes de colaboración ata ideas de negocio innovadoras que rompan estereotipos e abran novos camiños.

Deseñar solucións para reducir plásticos, reutilizar materiais, compartir recursos e crear produtos que non xeren lixo. A idea é que nada se perda, todo se transforme e se aproveite.

Ir máis aló do turismo tradicional: propostas que coiden o territorio, impliquen á comunidade local, dean valor á cultura e garantan que quen visite o lugar deixe un impacto positivo.

Buscar maneiras creativas de conectar tradición e innovación: muralismo, música, teatro, deseño ou gastronomía como ferramentas para dinamizar un territorio e atraer talento novo.

Xerar ideas que fagan máis doadas a integración das persoas con diversidade funcional, migrantes ou colectivos vulnerables. O obxectivo é que ninguén quede atrás na vida social, educativa e laboral.

Como unir a sabedoría da xente maior coas inquedanzas da mocidade? Aquí podedes propoñer espazos, actividades ou proxectos colaborativos onde se aprendan uns dos outros, reforzando a identidade do lugar.